شعبان عبد الرحيم يصور «كليب »
ينتقد احتفاء العرب بفوز باراك أوباما
القاهرة - يستعد المغني الشعبي المصري شعبان عبد الرحيم الشهير
ب »شعبولا « لتصوير كليب جديد بمناسبة فوز أوباما برئاسة الولايات
المتحدة الأمريكية.
شعبولا الذي يطلق على نفسه مطرب ال cnn لأن هذه المحطة
التليفزيونية الأمريكية الشهيرة أجرت معه حوارا بعد أغنيته
«بأكره إسرائيل » أعتاد ألا يفوت مناسبة هامة دون أن يغني لها
عارضا رأيه فيها.
وفي الأغنية الجديدة التي اختار لها عنوان «يا عم عربي »2 تمييزا
لها عن أغنيته السابقة «يا عم عربي » يقارن بين بوش واوباما منتقدا
تهنئة الزعماء العرب للرئيس الأمريكي الديمقراطي المنتخب، متعجبا
من فرحة العرب بفوزه.
كلمات الأغنية
تنتقد كلمات الاغنية التي كتبها مؤلفه الملاكي «إسلام خليل » الموقف
العربي من فوز اوباما وهي كالتالي:
أنا شايف الإبتسامة والفرحة ع الوشوش
اياك بارك اوباما ما يكونش زي بوش
مين يعرف ولا يعلم في ايه جوه النفوس
بلاش من بدري نحلم لا يكون الحلم كابوس
خلينا زي ما احنا ما الهم خدنا عليه
راح بوش وجه اوباما ايه يعني هيحصل ايه
لسه فلسطين محتله والحرب في العراق
والناس عايشه في مذله وعداء يجيب عداء
مهما هيعمل اوباما ويلف شمال ويمين
لا يرجع الحريري ولا حتى الشيخ ياسين
عرفات مش جاي تاني اللي عاش ايام سواد
ومات والكل عارف بحركات من الموساد
يا عربي الف سلامة يا عربي يا عيني عليك
قاعد مستني اوباما علشان ياخد بأيديك
ولا بوش ولا اوباما هيفكروا ابدا فيك
يا عربي مفيش غير ايدك هي اللي راح تحميك
بوش يخرب بيت سنينة باعنا وضيعنا سنين
وأوباما الناس فاكرينه هيكون صلاح الدين
ما هو بوش ابن المجنونة شعللها في كل مكان
افغان وعراق وغزة واخرها سوريا كمان
هيعمل ايه اوباما في مصايب بوش وابوه
ما سابوش مكان في العالم الا ما خربوه
مجاعات وأزمة ماليه وخرب ودمار وحروب
اهو غار ابن المؤزية وسايبهالنا ع الطوب
